Որոնում

160

1. Մեղքի մեջ եմ ես ապրել,
Վիշտ ու ցավ եմ միշտ կրել,
Չեմ իմացել հավիտենության մասին։
Բայց Հիսուսը գտավ ինձ,
Ազատեց կապանքներից,
Լի եմ հիմա ուրախությամբ երկնային։

Ես ազատ եմ (3)
Կապանքներից ու մեղքից։
Բայց Հիսուսը գտավ ինձ,
Ազատեց կապանքներից,
Լի եմ հիմա ուրախությամբ երկնային։

2. Հոգին սովորեցնում է,
Եվ Աստծո խոսքն ասում է,
Որ Հիսուսը կյանք է տալիս բոլորին,
Երկնքից Աստծո սերը
Եվ Սուրբ Հոգու կրակը
Ուղարկում է հոգով տկար թույլերին։

Աստծո սերը (3)
Ուղարկում է բոլորին։
Երկնքից Աստծո սերը
Եվ Սուրբ Հոգու կրակը
Ուղարկում է հոգով տկար թույլերին։

3. Եթե տկար ես հոգով,
Նրան դիմիր աղոթքով
Եվ Նա կվերցնի քո տկարությունը,
Իսկ մարմինը, թե տանջվի
Բժշկություն կգտնի,
Միայն Հիսուսով է բժշկությունը։

Սուրբ արյունը (3)
Բուժում է քո վերքերը։
Իսկ մարմինը, թե տանջվի
Բժշկություն կգտնի,
Միայն Հիսուսով է բժշկությունը։

4.Թզենին բողբոջել է,
Շուտով Տերը գալու է,
Որ մեծ փառքով երկինք տանի Իր հարսին։
Ցավերին վերջ կլինի,
Ուրախություն կլինի,
Դիմավորելու պատրա՞ստ ես Հիսուսին։

Դու պատրա՞ստ ես (3)
Մասնակցելու խնջույքին։
Ցավերին վերջ կլինի,
Ուրախություն կլինի,
            Դու պատրա՞ստ ես մասնակցելու խնջույքին: