Որոնում

189

1. Սերը քննում են, Սերը ճանաչում,
Սիրո մասին շատ են խոսում,
Բայց մարդիկ չգիտեն, թե որտեղից է
Սերը սրտերի մեջ լցվում ։

Սերը սպասում է, չի հպարտանում,
Սերը կյանք է տալիս մարդուն,
Սիրով են բոլորը շնչում ու ապրում,
Սիրով է փրկվում մեր հոգին։

2. Երբ սրտումդ հանգչում է սիրո կրակը,
Էլ ուժ  չունես վառելու այն,
Բայց Աստված տեսնում է սրտիդ փափագը,
Դու հիշիր, որ սեր է Աստված ։

Սերը պահպանում է, սերը ազատում,
Եվ սիրո կանչը հեռու չէ,
Նա ամեն վիճակի մեջ է այցելում,
Սիրո կրակ սրտում  վառում:

3. Միշտ պետք է հիշել Գողգոթայի մահը,
Երբ մեծ սիրով, հոժարությամբ
Քրիստոսը խաչի վրա զոհեց Իր կյանքը
Ի սեր աշխարհի մարդկության։

Սերը անսահման է, սերը չի չափվում,
Անհուն է սերը Հիսուսի,
Այնպիսի սեր է Քրիստոսը պարգևում,
Որ Նրանով աշխարհը փրկվի։