Որոնում

276

1. Խաչի վրա վերջին անգամ
Ինձ համար էլ աղոթեցիր,
Գամված ափիդ անունս գրվեց,
Արյանդ շիթեր մեղքերս մաքրեց։

Ինչպե՞ս ապրեմ ես առանց Քեզ,
Ռաբի, Ռաբի, Ռաբի,
Ինչպե՞ս ապրեմ ես առանց Քեզ,
Այդ Քո սերն է, որ ինձ փրկեց ։ (2)

2. Ծնողներս ինձ ատեցին,
Անվանդ համար հալածեցին,
Ընկած էի ծեծված, լքված։
Ցավիս դրիր ձեռքերդ խոցված։

3. Հիմա մենակ, անօթևան
Քեզ եմ գալիս, իմ Բարեկամ,
Ով ուզում է թող ինձ ատի,
Ես պիտ երգեմ՝ Հիսուս, արի։

4. Խաչի ճամփան ուր էլ տանի,
Միայն լինեմ Քեզ արժանի,
Հոգիս տալիս Ռաբի կանչեմ,
Խոցված ձեռքիդ վրա հանգչեմ։