Որոնում

333

1. Ա՜խ, քո սերը որքան քաղցր է,
Դառը կյանքիս համ կտա,
Ա՜խ, Քո խոսքը ջուր է, իրավ,
Պապակ սրտիս զով կտա։

Քո վերքերից ամեն մեկը
Բուժող դեղ է վերքերիս,
Փրկիչ Հիսուս, փառաց լույսդ
Խավար սրտիս լույս կտա։

2. Կարոտում եմ, թե մի վայրկյան
Հեռանում ես իմ մտքից,
Ցուրտ է հագնում ողջ մարմինս,
Երբ գնում եմ Քո մոտից։

Մի ավերակ, անտեր տուն է
Սիրտս դառնում առանց Քեզ,
Օրհնյալ Տերս, առաջնորդիր,
Ետ չմնամ Քո հոտից։

3. Քո օրհնության աղբյուրները
Մեզ համար են ջուր հանում,
Այն Քո խաչի սուրբ արյունն է
Մեզ մեղքերից լվանում։

Քո շնորհքը տալիս ես մեզ,
Որ նրանով մենք փրկվենք,
Վիրավորված սիրտս միայն
Ձեռքիդ մեջ է լավանում։

4. Մխիթարող իմ Տերն ես Դու
Անմխիթար այս դարում,
Արդարության հանդերձներով
Մեր հոգին ես զարդարում։

Հոգ ես տանում Դու մեզ համար՝
Կենաց Խոսքիդ համաձայն:
Մեր մեջ եղած ու բորբոքված
Կրակներն ես Դու մարում։